Plantun de Prouvènço

Pèr coumpara dos planto d'encò nostre

Lemna trisulca & Bunias erucago

Lentiho-d'aigo(-en-crous)

Lemna trisulca

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule à trois lobes.

Descripcioun :
Aquesto lentiho-d'aigo que se vèi soulamen dins li canau de la valado dóu Rose e di plano de coustiero, trachis en coulounìo gaire sarrado e souvènt entre dos aigo. Pòu pas engana emé si "fueio" en crous que i'a rèn que ié sèmblo. Li foundo peréu soun bijarro qu'an coume de pecou que tenon sus rèn.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 6 à 12 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Jun à setèmbre

Liò : Aigo - Ribiero
Estànci : Mesoumediterran
Couroulougi : Subrecousmoupoulito
Ref. sc. : Lemna trisulca L., 1753

Borbori

Bunias erucago

Brassicaceae Cruciferae

Noms en français : Bunias fausse roquette, Masse au bedeau.

Descripcioun :
Planto annalo d'auturo mejano (20 à 50 cm) que se recounèis à si cambo cuberto de glando roujo, à si fueio d'en aut que dounon d'èr à-n-aquéli de la rouqueto jauno (aquéli d'en bas soun mai retaiado) e subretout à si fru cresta. En mai d'acò a uno forto oudour quouro fretas si fueio.

Usanço :
Es uno planto proun acro que fai pissa. Se pòu pamens manja cruso o cue. Lou noum proupousa èi pas prouvençau, mai vèn de la tiero de R.J. Carbonel : Noms patois des plantes d'Entraygues et de Mur-de-Barrez (Aveyron) 1904, Académie de géographie botanique.

Port : Erbo
Taio : 20 à 60 (80) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bunias
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : 8 à 14 mm
Flourido : Printems - Estiéu

Sòu : Si (Ca)
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Champ
Estànci : Termoumediterran à Mountagnard
Couroulougi : Eurimediterrano-Ouèst
Ref. sc. : Bunias erucago L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lemna trisulca & Bunias erucago

ges

Coumpara Lentiho-d'aigo(-en-crous) emé uno autro planto

Coumpara Borbori emé uno autro planto